كلمات اغنية دولاب الدنيا - خالد الحنين


اوكف يا دولاب الدنيا .. رجعلنه الايام الحلوه
لتضل وياك معذبنه .. يوم فوك ويوم جوه
ماكو شي دايم على حاله .. لا ضحكه تدوم ولا جروح
حتى الروح بجسم ابن ادم .. على اي لحظه لربهه تروح
ميضل بس الطاري الطيب .. والموقف والكلمه الحلوه
لتضل وياك معذبنه .. يوم فوك ويوم جوه
اوكـف يـا دولاب الـدنـيـا

افهم يالمارايد تفهم .. هاي الدنيا عالنيات
نيتك خير الخير يصيبك .. نيتك شر بشر تبات
ما يرتاح بعمره الظالم .. واللي ياخذ حق الناس
واللي يدوس الناس برجله .. يومه جاي وهم ينداس
من بلوه نكوم ومنصدك .. منتظرتنه نلكه البلوه
لتضل وياك معذبنه .. يوم فوك ويوم جوه
اوكـف يـا دولاب الـدنـيـا



غناء: خالد الحنين
كلمات: قصي عيسى
الحان: نصرت البدر